Міністар аховы здароўя Васіль Жарко патлумачыў, што зьмяненьні датычаць парадку атрыманьня насельніцтвам па рэцэптах ільготных ці бясплатных лекавых прэпаратаў. Паводле новага закону, за кошт бюджэтных сродкаў будуць набывацца толькі тыя лекавыя сродкі, якія маюць пераканаўчыя доказы іх дзеяньня, бясьпекі, якасьці і эканамічнай эфэктыўнасьці. Паводле словаў міністра, гэта будзе садзейнічаць больш рацыянальнаму выкарыстаньню бюджэтных сродкаў, якія выдзяляюцца на ахову здароўя.